RUS
SMARTNEWS.KZ басылымының хабарлауынша, көлік орындықтарын қыздыру функциясы жайлы мамандар дабыл қаға бастады. Медицина ғылымдарының кандидаты Андрей Кондрахиннің айтуынша, бұл жайлылық опциясы ерлердің ұрпақ денсаулығына елеулі қауіп төндіруі мүмкін.
Ол аталық бездер дене сыртында орналасатынын, сондықтан олар үшін қалыптыдан жоғары температура зиян екенін түсіндірді. Егер орындық жылытқышын тым жиі қолданса, шәует сапасы төмендеп, сперматогенез бұзылады. Яғни созылмалы мәселелер асқынады.
Маман сондай-ақ жылытқыштың басқа да ауруларды қоздыруы ықтимал екенін айтты. Температура жоғарылаған кезде қан айналымы жылдамдап, геморрой белгілері күшеюі мүмкін. Созылмалы пиелонефрит секілді бүйрек аурулары бар адамдарда инфекция жылудың әсерінен белсеніп кетеді. Простатит пен зәр шығару жүйесіндегі қабынулар да ушықтырады.
Дәрігердің кеңесі қарапайым: бұл функцияны ұзақ пайдаланбау керек. Қатты суықта ғана денені аздап жылытып, содан кейін дереу өшірген дұрыс. Айтуынша, орындық жылытқышы «пайдалы» болғанымен, оны шектен тыс қолдану денсаулыққа айтарлықтай нұқсан келтіре алады.