RUS
SMARTNEWS.KZ басылымының хабарлауынша, Өзбекстандағы сұмдық оқиға қоғамды дүр сілкіндірді. 3 қараша күні Нұрсух махалласында 34 жастағы ер адам алиментке қатысты жанжал кезінде әйеліне және екі жасар қызына пышақ салған.
Тергеу дерегінше, ерлі-зайыптылар арасындағы жанжал ақыры қайғылы қылмысқа ұласқан. Ашуға булыққан күйеу қолына ас үй пышағын алып, 1998 жылы туған жары мен 2023 жылғы туған қызын жаралаған.
Жедел жәрдем оларды ауруханаға жеткізгенімен, алған жарақаттары өте ауыр болып, дәрігерлер өмірін сақтап қала алмады.
Қылмыскер оқиға орнынан қашып кеткен. Алайда көп ұзамай құқық қорғау органдары оны қолға түсірді. Оған екі және одан көп адамды қасақана өлтіру бойынша ауыр баппен іс қозғалды.