RUS
SMARTNEWS.KZ басылымының хабарлауынша, Қазақстанның сыртқы сауда теңгерімі нашарлап барады. 2025 жылдың қаңтар–тамыз аралығында сауда айналымы 90,2 млрд доллар болды, бұл өткен жылмен салыстырғанда 2,1 пайызға төмен. Экспорт 5,7 пайызға азайса, импорт керісінше 2,8 пайызға өсіп отыр.
Басты серіктестер қатарында Қытай (21,1 млрд доллар), Ресей (17 млрд доллар), Италия (11,3 млрд доллар), Нидерланд және Түркия бар. Сауда құрылымындағы өзгеріс импортқа тәуелділіктің үдей түскенін айқын көрсетеді.
Шеттен ең көп әкелінген өнімдер – көлік, химия өнімдері және ауыл шаруашылығы тауарлары. Бұл бағыттардағы шығын жүздеген миллион долларға артқан.
Импорттың қымбаттауы қазақстандықтардың күнделікті тұтынатын тауарларының бағасын да өсіріп жіберді. Жиһаз, тұрмыстық техника, азық-түлік және дайын өнімдердің құны жыл басынан бері едәуір көтерілген.
Сарапшылар мұны үш негізгі фактормен байланыстырады: рубльдің теңге қарсы 36 пайызға күшеюі, логистика және энергия шығындарының өсуі, сондай-ақ елдегі жоғары инфляцияның сақталуы.