RUS
Облыстық Полиция департаментінің мәліметінше, оқиға 8 сәуір күні сағат 19:30 шамасында болған.
5 «М» бағытындағы автобуста келе жатқан жолаушы өз аялдамасын өткізіп алып, жол ақысын төлеместен түсіп кетпек болған. Алайда жүргізуші есікті ашпай, тек келесі аялдамада тоқтаған. Ашуланған жолаушы шығып бара жатып, автобус жүргізушісін буындырған. Ол бір сәтке талып та қалған.
«Автобус Қизатов көшесіндегі аялдамада тоқтап тұрған кезде ер адам жүргізушімен және басқа жолаушымен жанжалдасып, бұзақылық әрекет жасаған.
Осы факті бойынша облыс орталығының 67 жастағы тұрғыны ұсталды.
Аталған факті ҚР Қылмыстық кодексінің 293-бабы 1-бөлігі («Бұзақылық») бойынша Сотқа дейінгі тергеп-тексерулердің бірыңғай тізіліміне енгізілді.
Қазір тергеу жүргізіліп, оқиғаның барлық мән-жайы анықталып жатыр. Олардың нәтижелері бойынша түпкілікті процессуалдық шешім қабылданады», - делінген полиция мәліметінде.