RUS
SMARTNEWS.KZ басылымының хабарлауынша, 11 қараша күні Атырауда Азаттық даңғылының бойындағы көпқабатты үйдің бесінші қабатынан екі жасар бала құлап, көз жұмды. Бұл туралы облыстық жедел медициналық жәрдем стансасы хабарлады.
Алдын ала мәліметке сәйкес, оқиға шамамен түскі сағат 12:00 шамасында болған. Бала ауыр жарақат алып, дәрігерлер келгенге дейін оқиға орнында жан тапсырған.
«Бала алған жарақаттарының кесірінен оқиға орнында “103” қызметі жеткенше қайтыс болды. Марқұмның денесі облыстық балалар ауруханасына жеткізілді», – деп мәлімдеді жедел жәрдем қызметі.
Қазір полиция оқиғаның нақты себептерін анықтап жатыр.
Айта кетсек, бұл – 2025 жылы тіркелген осындай алғашқы қайғылы жағдай. Ал өткен жылы Атырау облысында балалардың терезеден әрі балконнан құлауына қатысты 10 дерек тіркелген, олардың екеуі өліммен аяқталған.