RUS
SMARTNEWS.KZ басылымының хабарлауынша, Түркістан облысында оқушының өліміне байланысты бірнеше жасөспірім ұсталды. Бұл туралы облыстық полиция департаменті жеткізді.
Ведомство мәліметінше, оқиға кезінде тоғызыншы сынып оқушыларының арасында жанжал шыққан. Сол сәтте оқушылардың бірі сыныптасына кеуде тұсынан соққы берген. Алған жарақат салдарынан бала оқиға орнында көз жұмған.
Полиция дереу тергеу амалдарын бастап, күдікті мен оқиғаға қатысы бар өзге оқушыларды ұстады. Қазір бұл іс бойынша сотқа дейінгі тергеу жүріп жатыр.
Түркістан облыстық полиция департаментінің басшылығы істің барысын өз бақылауына алған.
Сонымен қатар, кәмелетке толмағандардың ата-аналары балаларын дұрыс тәрбиелемегені үшін әкімшілік жауапкершілікке тартылды. Бұл жайтқа байланысты кәмелетке толмағандар ісі жөніндегі комиссияға ұсыныс жолданған.
Ювеналды полиция өкілдері болашақта осындай жағдайлардың қайталанбауы үшін профилактикалық жұмыстарды күшейтті.