RUS
SMARTNEWS.KZ басылымының хабарлауынша, Ақмола облысында 14 жастағы қызды өлтірді деген күдікпен ер адам ұсталды. Бұл туралы өңірлік полиция департаменті мәлімдеді.
Тергеу дерегінше, Ынтымақ ауылының жас тұрғыны пышақ жарақатынан көз жұмған. Қылмыс жасалғаннан кейін күдікті оқиға орнынан қашып кетуге тырысқан. Алайда полицейлер оның жолын жылдам анықтап, бір тәулікке жеткізбей қолға түсірді.
Ұсталған ер адам уақытша ұстау изоляторына қамалды. Тергеу жалғасып жатыр, оқиғаның барлық мән-жайы анықталуда.
Полиция басшылығы істің барысын ерекше бақылауға алған. Ведомствоның мәліметінше, кәмелетке толмағандарға қатысты кез келген қылмыс ең қатаң түрде қаралады. Ал күдікті заңның бар талаптары бойынша жауап береді.