RUS
SMARTNEWS.KZ басылымының хабарлауынша, Алматыдағы көтерме-бөлшек сауда орталығы «Байсат» бүгінгі жоспарланған аукционда сатылмай қалды.
18 қараша күні 10:00-де өтуі тиіс саудаға объект бойынша бірде-бір сатып алушы тіркелмеген. Сол себепті аукцион өткізілмеген деп танылды.
Сатылымға шығарылған нысан – орталықтың 100 пайыздық үлесі. Лоттың бастапқы бағасы 28,6 млрд теңге болған.
Порталдың дерегінше, «Байсат» орталығының жарғылық капиталы – 26,3 млрд теңге. Бағалау кезеңіндегі табыс көлемі 2,7 млрд теңгеден асқан, ал таза пайда 1,2 млрд теңге деп көрсетілген. Саудаға қатысушылар түсу үшін кепілдік жарна ретінде 2,86 млрд теңге төлеуі керек еді.
Еске салайық, Алматыдағы ірі сауда алаңдарының бірі саналатын «Байсат» бұған дейін елдің экс-президентінің жиені Қайрат Сатыбалдыға тиесілі болған, кейін мемлекет меншігіне өткен.