RUS
SMARTNEWS.KZ басылымының хабарлауынша, Оралда 10 жасар баланың зорлануына байланысты тергеу жүріп жатыр.
Оқиға 29 қыркүйекте Зачаган кентіндегі №20 орта мектеп маңында болған. Алғашқы мәліметті Батыс Қазақстан облысы Полиция департаменті таратқан. Құқық қорғау органдары кәмелетке толмағанға қатысты қылмыстық әрекет белгілері бойынша іс қозғаған.
Қала прокуроры Мейірхан Изимовтың айтуынша, қылмысқа дейін ата-аналар балалардың мектепке баратын жолындағы қалың ағаштарды кесу және жарық орнату қажеттігін бірнеше рет көтерген. Алайда Зачаган кенті әкімдігі бұл талаптарды елемеген. Тек қылмыстан кейін ғана жол бойындағы ағаштар оталған.
Прокуратура мәліметінше, қызметтік міндетіне салғырт қарау дерегі бойынша Зачаган кенті әкімдігінің лауазымды тұлғаларына қатысты қылмыстық іс қозғалды. Тергеу барысында барлық мән-жай анықталып, процессуалдық шешім қабылданады.
БҚО Полиция департаменті аталған факті бойынша ҚР Қылмыстық кодексінің 371-бабы (Салғырттық) аясында іс тіркелгенін растады. Процестік себептерге байланысты өзге ақпарат жария етуге жатпайды.
10 жасар қызға қатысты жасалған қылмыс бойынша тергеу жалғасуда.