RUS
Виртуалды жүргізушіге Федха деген атау берілген. Ол желі пайдаланушыларына жаңалық тыңдауды ұсынады.
«Мен Федхамын, Кувейтте жасанды интеллектпен жұмыс істейтін алғашқы жүргізушімін. Қандай жаңалықтарды қалайсыз? Сіздің пікіріңізді білейік»,- дейді ол араб тілінде.
Kuwait Times басылымы Парсы шығанағында 1961 жылы алғашқы ағылшын тіліндегі күнделікті басылым ретінде құрылған. 2022 жылы басылым Kuwait News агенттігімен біріктірілді.
Веб сайттың бас редакторының орынбасары Абдулла Бофтейн бұл қадамды жасанды интеллекттің «жаңа инновациялық контент» ұсыну бағытындағы әлеуетін тексеру болатынын мәлім етті.
Ол Федханың болашақта жаңалықтарды Twitter-ден аккаунтқа жариялай алатындығын айтты.
«Федха - бұл кувейттік танымал есім. Металл, күміс деген мағынаны білдіреді. Біз әрқашан күміс және металл түстес роботтарды біріктіреміз», - деді Бофтейн.
Оның айтуынша, жүргізушінің ашық түсті шашы мен мөлдір көздері елдің кувейттіктер мен шетелдіктерден құрылған мұнайға бай мемлекет екендігін білдіреді.