RUS
SMARTNEWS.KZ басылымының хабарлауынша, Түркістан облысының Алғабас ауылындағы өрттен ауыр жараланған 1986 жылғы ер адамға шұғыл авиациялық медициналық көмек қажет болды. «Қазавиақұтқару» қызметінің ЕС 145 тікұшағы санавиация рейсін орындап, науқасты жедел түрде Шымкентке жеткізді.
Облыстық ТЖД хабарлауынша, Жетісай ауданында шұғыл көмекті қамтамасыз ететін арнайы медициналық жабдықтардың жетіспеуі себепті пациентті Шымкенттегі гипербариялық оксигенация орталығына эвакуациялау жөнінде шешім қабылданған. Тікұшақ дер кезінде қонды, зардап шегуші дәрігерлерге тапсырылып, әрі қарай ем қабылдауға жіберілді.
Айта кетсек, бұған дейін Түркістан облысында болған ірі өрт салдарынан 12 адам қаза тапқан. Президент Қасым-Жомарт Тоқаев марқұмдардың отбасына көңіл айтып, оларға барлық қажетті көмекті көрсетуді, сондай-ақ трагедияның себептерін жан-жақты тексеруді тапсырды. Мемлекет басшысының тапсырмасымен арнайы үкіметтік комиссия құрылды.
Алдын ала мәлімет бойынша, қасақана өрт қою белгісі жоқ. Қылмыстық іс ҚР Қылмыстық кодексінің 292-бабы 3-бөлігі (өрт қауіпсіздігі талаптарын бұзу) бойынша тергеліп жатыр.