RUS
SMARTNEWS.KZ басылымының хабарлауынша, Семейдегі «Айгөлек» балабақшасында тәрбиеші бүлдіршінді тұншықтырған сәт бейнебақылауға түсіп қалған. Бұл оқиға қоғамда үлкен резонанс тудырды. Жағдай туралы Жетінші арна жеткізді.
Ата-аналардың сөзінше, тәрбиеші тыныштық сағаты кезінде психоречевиялық дамуы кешеуілдеген бес жастағы баланы «ұйықтату үшін» оның бетіне көрпе мен қолын басып, ауа жетуін шектеген. Арнайы камералар бұл әрекетті анық тіркеген.
Кадрларда 38 жастағы қызметкердің баланың бетін одеялмен жауып, қолымен қысып отырғаны көрінеді. Ата-аналар бұл әрекет бір сағатқа жуық уақытқа созылғанын айтады. Тәрбиеші декреттен кейін небәрі бірнеше ай жұмыс істеп, қайтадан еңбекке жарамсыздық парағына шығып, артынан тағы декреттік демалысқа кеткені белгілі болды.
Қалалық полиция бұл факті бойынша сотқа дейінгі тергеуді бастап, қылмыстық іс қозғады. Балабақша басшылығы тәрбиешінің уақытша жұмыстан шеттетілгенін растады. Ал ата-аналар оның бала тәрбиесімен айналысу құқығынан толықтай айырылуын талап етіп отыр.
«Ұлымды одеялмен басып, қолымен бет-аузын жауып, тұншықтырған. Видеода тек бес минут қана көрінеді, ал шын мәнінде бұл әлдеқайда ұзаққа созылған. Сұрағанда “ол осылай ұйықтайды” деп шығарып салды. Біздің талабымыз – істі сотқа жеткізу және оны қайтадан балалармен жұмыс істеуге жолатпау», – дейді баланың анасы.
Оқиға баланың психологиялық жағдайына да ауыр соққы болған. Ата-анасы тәрбиешінің ең қатаң жазалануын талап етеді.