Қарағанды облысындағы бірнеше ауылға қазақша атау берілмек

«Бұқар Жырау ауданы Үштөбе ауылдық округіндегі Новостройка ауылы Атамекен ауылы болып өзгертілсін.

Осакаров ауданының келесі ауылдық округтері мен ауылдары:

Звездный ауылдық округі – Жұлдыз ауылдық округіне;

Тельман ауылдық округі – Нияз ауылдық округіне;

Звездный ауылдық округіндегі Звездное ауылы – Жұлдыз ауылына;

Николаевка ауылдық округіндегі Комсомольское ауылы – Қайыңды ауылына;

Қаратомар ауылдық округіндегі Сенакосное ауылы – Қаратомар ауылына;

Тельман ауылдық округіндегі Тельманское ауылы – Қаракөл ауылына;

Садовый ауылдық округіндегі Чапаево ауылы – Жаңатоған ауылына ауыстырылсын», - деп жазылған облысының әкімдігінің қаулысы мен мәслихаттың шешім құжатында.

Шешім жобасы 27 сәуірге дейін көпшілік талқылауда болады.