RUS
SMARTNEWS.KZ басылымының хабарлауынша, бүгін Сенаттың жалпы отырысында балаларды денсаулығы мен дамуына зиян келтіретін ақпараттан қорғау, сондай-ақ педофилия мен дәстүрлі емес сексуалдық бағытты насихаттауға тыйым салу нормалары енгізілген заң жобасын қарау жоспарланған еді. Алайда құжат күн тәрбінен алынып, талқылау кейінге қалдырылды.
Заң жобасы жария кеңістікте, масс-медиа, телекоммуникация желілері мен онлайн платформалар арқылы зиянды ақпаратты таратуды шектеу шараларын қамтиды. Сенаттың хабарлауынша, жекелеген нормаларды қосымша пысықтау қажет болғандықтан құжатты бүгін қарау мүмкін болмады.
«Бұл заң Қазақстан Республикасының Еңбек кодексіне және 12 заңға өзгертулер мен толықтырулар енгізуді көздейді. Балалардың құқықтарын қорғауға қатысты нормаларды қамтитындықтан, оны қарау әрқашан ерекше жауапкершілік пен мұқиятты талап етеді», — деп хабарлады Сенаттың баспасөз қызметі.