Түркістан әкімдігі 100 млн теңгелік видео келісімшартын тексереді
Түркістанда қымбат келісім-шартқа қатысты жан-жақты тексеру басталды.
SMARTNEWS.KZ басылымының хабарлауынша, соңғы күндері әлеуметтік желілерде Түркістан облысы әкімдігі қысқа видеороликке 100 млн теңге бөлетіні туралы ақпарат тарады. Видео ұзақтығы 3-тен 7 минутқа дейін болмақ және қазақ халқы мен мемлекеттілігінің тарихын қысқаша баяндауы тиіс.
Желі қолданушылары қаражат көлеміне қатысты сұрақтарын ашық білдірді.
«Жоба жақсы, бірақ бағаға көп сұрақ бар», — деп жазған автор.
Бұл жағдайға әкімдік те өз пікірін білдірді. Облыс әкімі Нұралхан Күшеров келісім-шарттың барлық шарттары мен бюджет қаражатының мақсатты жұмсалуын тексеруді тапсырған.
«Бақылау келісім-шарттың әділ негізде жасалғанын және қаржыландырудың ашықтығын анықтауға бағытталған», — деді әкімдік өкілдері. Тексеру қорытындысы кейінірек жарияланбақ.
Материал авторы
