Ақтөбедегі анасын өлтірген жасөспірім: Көршілер марқұмның отбасы туралы шындықты айтты

SMARTNEWS.KZ басылымының хабарлауынша, Ақтөбеде 16 жасар мектеп оқушысы өз анасын өлтіріп, әжесіне ауыр жарақат келтірді деп күдікке ілінді. 41 жастағы әйел оқиға орнында қаза тауып, әжесі №1 қалалық көпсалалы ауруханаға жеткізілді. Қазір ол реанимациядан палатаға шығарылған, бірақ сөйлей алмайды және жақсы естімейді. Жағдайдың мән-жайын Диапазон басылымы жазды.

Жасөспірім бәрін мойындады және полицияның бақылауына алынды. Сотқа дейінгі тергеу амалдары жүргізілуде.

Көршілердің айтуынша, отбасы қалыпты, балалар тәртіпті және әжесіне көмектескен. Алайда 2 желтоқсанда түнде пәтерде шу мен айғай естілген, көршілер полицияны шақырған. Жасөспірім - отбасының үлкен баласы, жеке мектепте оқыған. 5 жасар кіші ұлы №28 мектепке дайындыққа қатысқан. Анасы ХҚКО жұмыс істеген, әкесі – вахтада.

Оқиға орнына жеткен полиция пәтерді герметикалық түрде бекіткен. Алдын ала ақпарат бойынша, әжесі мойны, иығы, кеуде қуысы, қолдары мен қабырғаларында бірнеше пышақ жарақаттарын алған, іш қуысы мен кеуде қуысына жабық жарақаттар бар.