RUS
SMARTNEWS.KZ басылымының хабарлауынша, Павлодарда 10 жасар екі оқушы өз қатарластарының тілін қайшымен кесіп жібергені туралы ақпарат әлеуметтік желіде тарады. Оқиғаға қатысты зардап шеккен баланың анасы куәгерлерді іздеп жатыр.
Telegram-арна Kerekpv келтірген дерекке сүйенсек, әйелдің айтуынша, белгісіз екі бала оның ұлын жерге жығып, басы мен денесіне соққы берген. Одан кейін тілін қайшымен кескен.
Жараланған бала қазір ауруханада жатыр. Дәрігерлер оған ми шайқалуы диагнозын қойған.
Полиция департаменті бұл дерек бойынша қасақана жеңіл жарақат келтіру бабымен қылмыстық іс қозғалғанын растады.
Полиция мәлімдемесінде былай делінген:
«Оқиғаға қатысы бар кәмелетке толмағандарды анықтау және ұстау бойынша қажетті шаралар жүргізіліп жатыр. Қылмыстық іс аясында олардың заңды өкілдерінің әрекетіне де құқықтық баға беріледі. Сондай-ақ балалардың тәртібі Кәмелетке толмағандар ісі жөніндегі комиссияда қаралып, есепке қою мәселесі де шешіледі».
Істің нақты мән-жайы тергеу барысында белгілі болмақ.