RUS
SMARTNEWS.KZ басылымының хабарлауынша, Түркістан облысында қатаң режимдегі түзету мекемесінде заңсыз талаптармен көтеріліске барған сотталғандарға жаңа жаза мерзімдері берілді.
Тексеру барысында белгілі болғандай, №55 түзету мекемесінде ауыр және аса ауыр қылмыс жасаған алты сотталған алдын ала сөз байласып, әкімшіліктен заңсыз жеңілдіктер талап еткен. Олардың талабына: түнде теледидар қарауға рұқсат, еркін серуенге шығу, тамақты өздері дайындау, арнайы форманы кимеу сияқты құқыққа қарсы жеңілдіктер кірген.
Талаптарын жүзеге асыру мақсатында сотталғандар өздеріне дене жарақатын келтірген.
Сот оларды 5-тен 10 жылға дейінгі мерзімге бас бостандығынан айыру түрінде жазалады, жазаны қатаң режимдегі мекемеде өтеу белгіленді.