«Ішкіш болар едім»: Дональд Трамп ішімдікке қатысты тәжірибесін ашық айтты

SMARTNEWS.KZ басылымының хабарлауынша, АҚШ Президенті Дональд Трамп өзінің әртүрлі тәуелділіктерге бейімділігін мойындап, ішімдікті тұтынудың салдарынан алкоголик болуға жақын тұрғанын айтты. Ол бұл туралы The New York Post басылымына берген сұхбатында айтып берді.

Трамп алғаш рет Ақ үйдің аппаратының жетекшісі Сьюзан Уайлс айтып кеткен пікірлерге түсінік берді. Сьюзан Уайлс Трамптың мінез-құлқын «алкоголик мінезі» деп сипаттаған болатын. Осыған қатысты Трамп өзінің алкоголь ішпейтінін, бірақ тәуелділікке бейімділігі бар екенін айтты.

«Егер мен ішер болсам, алкоголик болуымның өте жоғары мүмкіндігі бар еді. Бұл туралы көп рет айтқанмын. Менде тәуелділікке бейімділік бар», — деді Дональд Трамп.

Ол сонымен қатар, егер ішімдікке әуес болғанда, оның тәуелділікті жеңу үшін күресте қаншалықты қиын болатынын түсінетінін де атап өтті.

Естеріңізге сала кетсек, бұған дейін Сьюзан Уайлс Дональд Трамптың және оның әкімшілігі туралы сын айтқан болатын. Кейін ол бұл сөздерін түсіндіріп, мәлімдемесіне қатысты түсініктеме беруге мәжбүр болды.