RUS
SMARTNEWS.KZ басылымының хабарлауынша, боксшы Жәнібек Әлімханұлы The Ring журналының орта салмақ дәрежесіндегі рейтингінен шығарылды. Бұған допингке қатысты дау себеп болған. Бұл туралы басылым жаңартылған рейтинг жариялау барысында мәлімдеді.
The Ring журналы әлеуметтік желідегі ресми парақшасында орта салмақ дәрежесінің жаңа рейтингін ұсынды. Хабарламада допинг дауына байланысты Жәнібек Әлімханұлының жарыстардан уақытша шеттетілгені, соған сәйкес рейтинг қайта қаралғаны көрсетілген.
Айта кетейік, қазақстандық боксшы аталған рейтингте бірінші орында тұрған. Оның тізімнен алынуына байланысты барлық спортшы бір сатыға жоғарылады. Ал америкалық Хесус Рамос-кіші жаңартылған рейтингте оныншы орынға көтерілді.
Бұған дейін Дүниежүзілік бокс ұйымы (WBO) Жәнібек Әлімханұлының допинг сынамасы оң нәтиже көрсеткенін ресми түрде растаған болатын. Осы дерек бойынша тексеру басталды. Боксшының өзі ережені бұзбағанын мәлімдеп, екінші сынаманы қайта тексеруді талап етті.
Кейіннен спортшының командасы да ресми мәлімдеме жасап, аталған жағдайға қатысты өз ұстанымын білдірді. Ал жуырда Боксерлік комиссиялар қауымдастығы Жәнібек Әлімханұлын допинг дауына байланысты уақытша шеттету туралы шешім қабылдады.