Шымкентте полиция бастығы парамен ұсталды деген ақпарат тарады
Жоғары лауазымды полиция 20 млн теңге пара алды деген күдікпен ұсталғаны айтылды.
SMARTNEWS.KZ басылымының хабарлауынша, Шымкент қаласында Ұлттық қауіпсіздік комитеті полиция жүйесіндегі жоғары лауазымды қызметкерді ұстады. Бұл туралы журналист Михаил Козачков хабарлады.
Алдын ала мәліметке сәйкес, Шымкент қаласының Әл-Фараби ауданы полиция басқармасының бастығы 20 миллион теңге көлемінде пара алу үстінде қолға түскен. Арнайы операцияны ҰҚК-нің Сыбайлас жемқорлыққа қарсы іс-қимыл қызметінің қызметкерлері жүргізген.
Ресми деректерге сәйкес, аталған лауазымды қазіргі уақытта полиция полковнигі Батыр Мырзагелдиев атқарып отыр.
Құқық қорғау органдары әзірге істің өзге мән-жайларына қатысты ресми түсініктеме берген жоқ.
Материал авторы
