Теңге қысымда ма? 29 желтоқсандағы валюта бағамы жарияланды

SMARTNEWS.KZ басылымының хабарлауынша, Қазақстан Ұлттық банкі 2025 жылғы 29 желтоқсанға арналған шетел валюталарының теңгеге қатысты ресми бағамдарын жариялады. Сонымен қатар Алматы, Астана және Шымкент қалаларындағы айырбастау пункттерінде қалыптасқан нақты сатып алу және сату бағалары белгілі болды.

Ұлттық банктің ресми деректеріне сәйкес, АҚШ доллары 504,6 теңгеге бағаланды. Еуроның ресми бағамы — 594,27 теңге. Фунт стерлинг 680,76 теңге деңгейінде тіркелсе, Біріккен Араб Әмірліктерінің дирхамы 137,41 теңге болды. Қытай юані 72,01 теңгеге, түрік лирасы 11,8 теңгеге бағаланды. Сондай-ақ ресей рублі 6,48 теңге деңгейінде белгіленді.

Ал kurs.kz порталының мәліметінше, ірі қалалардағы айырбастау пункттері ресми бағамнан жоғары немесе төмен жеке курс ұсынып отыр.

Алматы қаласында долларды сатып алу және сату бағасы 509–511 теңге аралығында қалыптасты. Еуро 596–601 теңгеден сатылуда, ал рубль 6,4–6,47 теңге деңгейінде ұсынылған.

Астанада доллар 507–513 теңге шамасында саудаланып жатыр. Еуроның айырбастау бағасы 592–602 теңге аралығында болса, рубль 6,4–6,55 теңге көлемінде белгіленген.

Шымкент қаласында доллар 508–511 теңге аралығында ұсынылса, еуро 595–600 теңгеден сатылуда. Рубльдің бағамы 6,42–6,46 теңге деңгейінде тұр.

Айта кетейік, айырбастау пункттеріндегі бағалар сұраныс пен ұсынысқа байланысты тәулік ішінде өзгеруі мүмкін.