RUS
Шымкент қалалық клиникалық балалар ауруханасының дәрігерлері 10 жастағы балаға ота жасап, миындағы эхинакокк кистасын хирургиялық жолмен алып тастады.
Екі сағатқа созылған операциядан кейін науқас екі тәулік бойы реанимацияда жатқан.
Кейін палатаға ауыстырылып, ем-дом жасалды. Ал, бір аптадан соң үйіне шығарылған.
«Сәуір айында бас ауруына шағымданған 10 жасар бала қалалық балалар клиникалық ауруханасына келген. Жоспарлы түрде балаға ота жасалып, құрт тәрізді эхинакокк кистасы алынды. Қазір жергілікті емханадағы дәрігерлердің бақылауында. Жағдайы жақсы. Мидағы эхинакокк құрты - сирек кездесетін жағдай. Көбіне мұндай құрт тәріздес киста бауыр мен өкпеде кездеседі», - дейді Шымкент қалалық клиникалық балалар ауруханасының дәрігер-нейрохирургі Самат Көкшикбаев.
