RUS
SMARTNEWS.KZ басылымының хабарлауынша, өнерлі жұп Ерке Есмахан мен Райымбек Бақтыгереев (RaiM) отбасылық өмірлерінің үшінші жылдығын Мальдив аралында атап өтті.
Фотосуреттерді Ерке Instagram желісінде жариялады. Аталған суреттерде олар романтикалық кешкі ас кезінде түскен сәттері көрсетілген. Ерке гүлді жарқын көйлек киіп, мүсінін айқындаса, RaiM ақ көйлек пен шалбарды таңдаған. Ерлі-зайыптылар шамдар жарығында бірге кешкі ас ішіп, теңіз жағалауындағы әдемі пейзаж бен жергілікті тағамдарды тамашалаған.
Ерке жазбасында:
«19 қаңтарда біз отбасын құрғанымызға 3 жыл болды. Нәтижесі – біз бақытты және үш ұлдың ата-анасымыз. Аллаға шүкір. Мерейтойды Мальдивте, мұхит жағалауында атап өттік», – деп бөлісті.
Әлеуметтік желі қолданушылары жұпқа жылы лебіздерін білдірді:
«Бұл – махаббат», «Мен де осындай күйеу алғым келеді», «Тағы бір бақытты отбасы Қазақстанда», «Сиқырлы жұп», «Әдемі!», «Үш ұлдың әкесі», - деп жазды олар.