RUS
SMARTNEWS.KZ басылымының хабарлауынша, танымал блогер Елдос Колобок (Қадірханов) тұңғышының бесік тойын әдеттен тыс форматта өткізіп, көпшіліктің назарын аударды. Салтанатты шарада әрбір қонаққа тойбастар ретінде балаларға арналған серуен коляскасы сыйға тартылған.
Блогер қуанышты сәттермен әлеуметтік желідегі парақшасында бөлісті. Ол бұл күнді он жыл бойы күткенін айтып, әсерлі жазба жариялаған. Желіде тараған видеоларда официанттардың қонақтарға жеке-жеке коляска ұсынып жатқан сәті анық көрінеді.
Ерекшелігі — әр коляска арнайы нөмірмен белгіленіп, ішіне түрлі сыйлықтар салынған. Мұндай тойбастар көпшілік үшін тосын жаңалық болды.
Он жыл бойы сәби сүюді армандаған жұптың бұл қадамы әлеуметтік желіде қызу талқыға түсті. Бірі жас отбасыға шын қуанып, қолдау білдірсе, енді бірі тойдың шектен тыс сән-салтанатпен өткенін сынға алды.