RUS
SMARTNEWS.KZ басылымының хабарлауынша, 26 қаңтардағы Қазақстан қор биржасындағы (KASE) күндізгі сауда нәтижесінде АҚШ долларының орташа сараланған бағамы төмендеді. Сауда қорытындысы бойынша доллар 501,79 теңгеге дейін арзандап, бір күнде 1,4 теңгеге құлдырады.
Айта кетейік, Ұлттық банктің 26 қаңтарға белгілеген ресми бағамы — 503,35 теңге.
Kurs.kz деректеріне сәйкес, қазіргі таңда Астана мен Алматы қалаларындағы айырбастау пункттерінде доллар мынадай деңгейде саудаланып жатыр:
Алматыдағы айырбастау пункттері:
– сатып алу — 502,26 теңге;
– сату — 504,54 теңге.Астанадағы айырбастау пункттері:
– сатып алу — орта есеппен 500,00 теңге;
– сату — 507,00 теңге.
Еске салайық, 23 қаңтарда Ұлттық банк базалық мөлшерлеме бойынша шешім қабылдап, оны бұрынғы деңгейде — 18 пайыз көлемінде сақтаған болатын. Ұлттық банк төрағасы Тимур Сүлейменов бұл мөлшерлеме алдағы кемінде алты ай бойы өзгеріссіз қалуы мүмкін екенін мәлімдеді.
Оның айтуынша, бұл шешім инфляциялық қысымды тежеу және бағаның өсу қарқынын баяулатуға бағытталған. Алайда қабылданған шаралар жеткіліксіз болған жағдайда, Ұлттық банк ақша-несие саясатын одан әрі қатаңдатуға дайын екенін де атап өтті.