RUS
SMARTNEWS.KZ басылымының хабарлауынша, Мемлекет басшысы Қасым-Жомарт Тоқаев Израиль Президенті Ицхак Герцогқа Халықаралық Холокост құрбандарын еске алу күніне орай жеделхат жолдады.
Жеделхатта Президент Қазақстан халқы Холокост жылдарында қаза тапқан миллиондаған жазықсыз адамның рухына тағзым ететінін атап өтті. Сондай-ақ ол этникалық және діни өшпенділік пен зорлық-зомбылықтың кез келген түрі қатаң айыпталатынын мәлімдеді.
«Еліміз адамзатқа қарсы жасалған мұндай қылмыстардың қайталануына жол бермеу үшін халықаралық қоғамдастықтың ортақ күш-жігерін қолдайды.
Қазақстан Холокост жылдарында жер аударылған көптеген еврейге пана болды. Бүгінде еврей қауымдастығы қоғамымыздың ажырамас бөлігіне айналды», – делінген жеделхатта.