RUS
SMARTNEWS.KZ басылымының хабарлауынша, Ішкі істер министрінің орынбасары Мәжіліс кулуарында әлеуметтік желіде тараған даулы видеоға қатысты пікір білдірді. Бейнежазбада кейін қаза тапқан Нұрай Серікбайдың полиция бөлімінде камера алдында жауап беріп отырған сәті көрсетілген.
Аталған видеоны интернетке жүктеген адам өзін полиция қызметкері ретінде таныстырған. Бұл жайт қоғамда кең резонанс тудырды.
ІІМ вице-министрі Игорь Лепеханың айтуынша, аталған әрекет заң талаптарына қайшы.
«Оның мұндай әрекет жасауға құқығы болған жоқ. Қазір қылмыстық іс қозғалды, бұл эпизодқа да міндетті түрде құқықтық баға беріледі», — деді ол.
Құзырлы органдар видеоны жариялау дерегі бойынша тергеу жүргізіп жатыр. Қандай нақты баптар бойынша іс қаралатыны және полицейдің жауапкершілікке тартылу-тартылмауы тергеу қорытындысынан кейін белгілі болмақ.