RUS
SMARTNEWS.KZ басылымының хабарлауынша, Уимблдон-2022 турнирінің чемпионы, қазақстандық теннисші Елена Рыбакина Australian Open – 2026 додасының финалына шығу арқылы Әйелдер теннисі қауымдастығының (WTA) жаңартылған рейтингінде әлемнің үшінші ракеткасы атанды. Бұл туралы Қазақстан теннис федерациясының баспасөз қызметіне сілтеме жасаған Kazinform хабарлады.
Жартылай финалда Рыбакина АҚШ өкілі Джессика Пегуланы 6:3, 7:6 (9:7) есебімен жеңіп, шешуші матчқа жолдама алды.
Айта кетейік, қазақстандық спортшы Австралия ашық чемпионатын әлемдік рейтингтің бесінші сатысында бастаған. Турнир барысында ол америкалық Аманда Анисимова мен Кори Гауффты басып озып, турнир нәтижесіне қарамастан рейтингтің үшінші орнына көтерілді.
Қазақстан теннис федерациясының мәліметінше, финалдағы нәтижеге тәуелсіз, Елена Рыбакина әлемнің үшінші ракеткасы болып тіркеледі.
«Үшінші орын – 26 жастағы қазақстандық теннисшінің кәсіби мансабындағы ең жоғары рейтингтік көрсеткіші», – деп хабарлады федерация.