RUS
SMARTNEWS.KZ басылымының хабарлауынша, Солтүстік Қазақстан облысындағы мектептердің бірінде 16 жастағы оқушы қыздың өміріне қауіп төнген жағдай тіркелді. Жасөспірім шұғыл түрде Петропавл қаласындағы ауруханаға жеткізілді.
Облыстық полиция департаменті оқиғаның болғанын растады.
Ведомствоның мәліметінше, 4 ақпанда Айыртау ауданының 16 жастағы тұрғыны белгісіз сұйықтықтан улану белгілерімен ауруханаға түскені туралы хабар түскен.
«Оқиғаның барлық мән-жайы анықталып жатыр», – деп мәлімдеді полицияның баспасөз қызметі.
Құтқару қызметінің хабарлауынша, жасөспірімге шұғыл түрде мамандандырылған медициналық көмек қажет болған. Осыған байланысты санитарлық авиация тартылып, оқушы Петропавл қаласындағы медициналық мекемеге тікұшақпен жеткізілген.
Төтенше жағдайлар қызметінің дерегінше, тасымалдауға санитарлық авиация дәрігерлері мен облыстық балалар ауруханасының мамандары жұмылдырылған.
Аталған дерек бойынша полиция сотқа дейінгі тергеп-тексеру жұмыстарын бастады. Қазіргі уақытта оқушының жағдайы ауыр, ол жансақтау бөлімінде жатыр.
Айта кетейік, бұған дейін Алматыда өткен баспасөз конференциясында мамандар жасөспірімдер арасындағы психологиялық дағдарыстың себептері мен оның алдын алу шараларын талқылаған болатын.