Нұрлан Сабыровқа Ресейге кіруге 50 жыл тыйым салынды
Комиктің Ресейдегі көші-қон заңын бұзуы жазаға ұласты.
SMARTNEWS.KZ басылымының хабарлауынша, Комик Нұрлан Сабыровқа Ресейге 50 жыл бойына кіруге тыйым салынды. Бұл шешім 30 қаңтардан бастап күшіне енді.
Тыйым себептері ретінде Ресейдегі арнайы әскери операцияны сынауы және көші-қон мен салық заңнамасын бұзуы көрсетілген.
Еске сала кетейік, 2025 жылдың қарашасында Нұрлан Сабыров Мәскеудегі Шереметьево әуежайында көші-қон заңын бұзғаны үшін ұсталған. Ресей заңына сәйкес, бір календарлық жылда елде 90 күннен артық болуға болмайды. Алайда комик 114 күн тұрған. Сол себепті оған 5 мың рубль (шамамен 31 850 теңге) айыппұл салынды.
Нұрлан жаңа жылды Ресейде қарсы алған, 3 қаңтарда елден шығып, кейін қайта оралған. Кейін 15 ақпанда және 23 наурыздан бастап тағы бірнеше рет келген. Шереметьево әуежайында ұсталғаннан кейін Ресей Федерациясының Әкімшілік құқық бұзушылық кодексінің 18.8-бабы 3.1-бөлігі бойынша іс қозғалды.
Қазіргі кезде комикке белгіленген лимит асып кеткендіктен Ресейден шығу міндеттелген.
Материал авторы
