RUS
SMARTNEWS.KZ басылымының хабарлауынша, танымал қазақстандық кәсіпкер әрі инвестор Марғұлан Сейсембай Біріккен Араб Әмірліктерінің алтын таланттар визасын алды. Кәсіпкер бұл жаңалықты өзінің әлеуметтік желі парақшасында бөлісті.
«Дубайға ұшып келдім, мұнда мені БАӘ үкіметі ұсынған алтын таланттар визасы күтіп тұр екен», – деп жазды Марғұлан Сейсембай.
Әдетте алтын виза түрлі саладағы дарынды мамандарға, кәсіпкерлерге және көшбасшыларға беріледі.
Марғұлан Сейсембай Asadel Partners PEF Pte Ltd. компаниясының басқарушы серіктесі болып табылады. Ол Алматыдағы Tamos жеке мектебін иеленетін «Tamos Education» ЖШС-де үлеске ие. Сондай-ақ жұбайымен бірге Agros Ltd., Seimar Ltd., «Алель Агро» АҚ, «Уыз Май Индастри» ЖШС және «Агро Фит Қапшағай» ЖШС сияқты компанияларда серіктестік үлестерін басқарады.
Кәсіпкер Haileybury Almaty мектебінің акционері, авторлық бизнес-курстар мен бизнес-клубтың негізін қалаушы, сонымен қатар жеке YouTube арнасын жүргізеді.