RUS
SMARTNEWS.KZ басылымының хабарлауынша, Атырау қаласындағы «Береке» шағынауданында қолында арасы бар ер адам тұрғындарды дүрліктірді. Оқиға бойынша тұрғындар полицияға хабарласқан.
Полиция мәліметінше, 15 ақпан күні шамамен сағат 23:40-та «102» арнасына көпқабатты тұрғын үйдің ауласында және кіреберісінде белгісіз ер адамның өз-өзін агрессивті әрі түсініксіз ұстап жүргені туралы хабар түскен.
Оқиға орнына жедел жеткен патрульдік полиция қызметкерлері 1991 жылы туған азаматты анықтады.
Медициналық куәландыру қорытындысына сәйкес, ер адам уытты масаң күйде болған.
Аталған дерек бойынша ҚР Әкімшілік құқық бұзушылық туралы кодексінің 440-1-бабымен әкімшілік хаттама толтырылды. Бұл бап дәрігердің тағайындауынсыз есірткі құралдарын, психотроптық заттарды, олардың аналогтарын немесе күшті әсер ететін заттарды қолдану фактісін қамтиды.
Іс материалдары мамандандырылған әкімшілік сотқа жолданды.