RUS
SMARTNEWS.KZ басылымының хабарлауынша, Павлодар қаласында көшеде үрген итке бола белгісіз әйел балаларға шабуыл жасап, 14 жастағы қызды ұрып-соқты деген күдікке ілінді. Оқиға бойынша қылмыстық іс қозғалып, тергеу басталды.
Оқиға Павлодар қаласында болған. Алғашқы ақпарат әлеуметтік желіде тараған. Балалардың туыстары куәгерлерді іздеген. Дерекке қарағанда, оқиға 7 ақпан күні кешкі уақытта Ломов көшесінде болған. Белгісіз әйел көшеде жүрген екі балаға күш көрсеткен. Салдарынан 14 жастағы қыз медициналық көмекке жүгінген.
Оқиғаға қатысты түсініктемені Павлодар-онлайн порталы таратты.
Полиция барлық қатысушыларды анықтағанын және мән-жайлар толық тексеріліп жатқанын хабарлады. Бұл іске қатысты қосымша мәліметті Павлодар облысы бойынша бала құқықтары жөніндегі уәкіл Сәуле Шәкенева жария етті. Оның айтуынша, қыз өз үй жануарын қорғауға тырысқан. Куәгердің сөзінше, көшедегі әйел иттің үргеніне ашуланып, жануарды теуіп жібермек болған. Сол сәтте қыз араша түскен. Нәтижесінде әйел жасөспірімді соққыға жыққан.
Осы дерек бойынша 14 ақпанда күдіктіге қатысты Қылмыстық кодекстің 109-1-бабы «Соққыға жығу» бойынша іс қозғалған. Ал өңірлік денсаулық сақтау басқармасы қыз баланың стационарға жатқызылмағанын мәлімдеді. Дәрігерлер көрсетілім болмағандықтан, оны амбулаториялық бақылауға жіберген.