RUS
SMARTNEWS.KZ басылымының хабарлауынша, 18 ақпанда Қазақстанның бірқатар өңірінде ауа райы күрт нашарлайды. Синоптиктер тұман, көктайғақ, жаяу бұрқасын және күшейген желге байланысты дабыл қақты.
18 ақпанға арналған негізгі болжам төмендегідей:
Павлодар облысы
Облыстың батысы мен солтүстігінде жаңбыр мен қар жауады, жаяу бұрқасын, көктайғақ күтіледі. Жел оңтүстік-батыстан соғып, екпіні 23–28 м/с-қа дейін жетеді.
Павлодар қаласында да жауын-шашын, көктайғақ және бұрқасын болжанып отыр.
Атырау облысы
Облыстың батысы, оңтүстігі мен шығысында тұман түсіп, жолдарда көктайғақ пайда болады.
Атырау қаласында түнгі және таңғы уақытта тұман күтіледі.
Абай облысы
Күндіз облыстың батысы мен орталығында жаңбыр мен қар аралас жауын-шашын, жаяу бұрқасын және көктайғақ күтіледі. Жел оңтүстік және оңтүстік-батыстан соғып, екпіні 23 м/с-қа дейін күшеюі мүмкін.
Қостанай облысы
Түнде және күндіз жауын-шашын, бұрқасын, көктайғақ, кей аумақтарда тұман болады. Жел бағыты оңтүстік-батыстан солтүстік-батысқа ауысып, екпіні 15–20 м/с-қа дейін күшейеді.
Қостанай қаласында да жел күшейіп, көктайғақ күтіледі.
Маңғыстау облысы
Батысында, солтүстігінде және орталығында тұман күтіледі.
Ақтау қаласында түнде және таңертең тұман болады.
Түркістан облысы
Батысы, солтүстігі, оңтүстігі және таулы аудандарында тұман күтіледі. Таулы өңірлерде желдің күші 15–20 м/с-қа дейін жетеді.
Шымкент пен Түркістан қалаларында түнгі және таңғы уақытта тұман болады.
Батыс Қазақстан облысы
Өңірде тұман мен көктайғақ күтіледі.
Орал қаласында да осы құбылыстар болжанып отыр.
Шығыс Қазақстан облысы
Жел оңтүстік-шығыстан соғып, солтүстігі мен шығысында екпіні 15–20 м/с-қа дейін күшейеді.
Қызылорда облысы
Облыстың орталығы, солтүстігі және оңтүстігінде тұман күтіледі. Күндіз желдің күші 15–20 м/с-қа дейін жетуі мүмкін.
Қызылорда қаласында да тұман болады.
Ақтөбе облысы
Солтүстігі, батысы және шығысында жаңбыр мен қар, жаяу бұрқасын, көктайғақ күтіледі. Оңтүстігі мен шығысында тұман түседі. Жел бағыты өзгеріп, екпіні 15–20 м/с-қа дейін күшейеді.
Ақтөбе қаласында көктайғақ күтіледі.
Ұлытау облысы
Күндіз батысы мен солтүстігінде жауын-шашын, бұрқасын болады. Солтүстігі, шығысы мен орталығында тұман және көктайғақ күтіледі.
Жезқазған қаласында да тұман мен көктайғақ болжанып отыр.
Қарағанды облысы
Батысы мен солтүстігінде жауын-шашын, жаяу бұрқасын күтіледі. Солтүстігі, оңтүстігі және шығысында тұман мен көктайғақ болады. Жел екпіні 15–20 м/с.
Қарағанды қаласында да тұман, көктайғақ және қатты жел күтіледі.
Солтүстік Қазақстан облысы
Жаңбыр мен қар, бұрқасын, көктайғақ және тұман күтіледі. Желдің екпіні кей жерлерде 23–28 м/с-қа дейін жетеді.
Петропавл қаласында да ауа райы күрт нашарлайды.
Жамбыл облысы
Кей уақыттарда тұман күтіледі. Таулы аудандарда желдің күші 15–20 м/с-қа дейін артады.
Тараз қаласында да тұман болады.
Ақмола облысы
Түнде және күндіз жаңбыр мен қар, жаяу бұрқасын, көктайғақ күтіледі. Кей аумақтарда тұман болады. Жел екпіні 23–28 м/с-қа дейін күшеюі мүмкін.
Көкшетау қаласында бұрқасын мен көктайғақ болжанып отыр.
Жетісу облысы
Түнде және таңертең таулы аудандарда тұман күтіледі. Алакөл маңында желдің екпіні 23–28 м/с-қа дейін жетуі мүмкін.
Астана
Түнде және күндіз жаңбыр мен қар жауады, көктайғақ және жаяу бұрқасын күтіледі. Жел екпіні 15–20 м/с.
Мамандар жолға шығуды жоспарлаған азаматтарға барынша сақ болуды, ал жүргізушілерге ауа райының күрт нашарлауын ескеруді ескертеді.