Таразда аялдамада тұрған 13 жасар қызды алып қашпақ болғандар қамауға алынды
Қызды құтқарып қалған ер адам марапатталды.
Тараз қаласында 13 жастағы қызды ұрлауға оқталған екі күдікті қамауға алынды.
Тергеу соты қылмыстық іс материалдарын қарап, күдіктілерге қатысты бұлтартпау шарасы ретінде қамауда ұстауға санкция берді. Бұл туралы Тараз қаласының мамандандырылған тергеу соты хабарлады.
Бұған дейін әлеуметтік желіде аялдама маңында белгісіз адамдардың жасөспірім қызды көлікке күштеп отырғызуға тырысқан сәті түсірілген бейнежазба тараған болатын. Кадрларда ер адамдар баланы алып кетпек болғаны байқалады. Сол сәтте аялдамада тұрған бейтаныс ер адам араласып, күдіктілер оқиға орнынан кетіп қалған.
Кейін полиция күдіктілерді ұстағанын мәлімдеді.
Қыз баланы құтқарып қалған азамат – Нұркен Омаров. Ол ерлігі үшін Жамбыл облысының полиция департаменті тарапынан марапатталған.
Материал авторы
