RUS
«Осы қаулының қосымшасына сәйкес тізбе бойынша Қазақстан Республикасы Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің қарамағындағы мемлекеттік мекемелер таратылсын», - делінген «Ашық» НҚА порталында жарияланған Үкімет қаулысының жобасында.
Құжатқа қосымша берілген түсіндірмеге сай, инспекция Абай облысының құрылуына және аталған ведомствоның сол өңір құзыретіне берілуіне байланысты таратылмақ.
«Бөліну барысында Семей қалалық аумақтық инспекциясының бүкіл құрамы Абай ауданы бойынша облыстық аумақтық инспекцияға ауыстырылды. Осылайша, Семей қалалық аумақтық инспекциясын тарату мәселесі ашық күйінде қалды. Өйткені, Семей қалалық аумақтық инспекциясының жеке БСН-сы бар, соған байланысты декларациялар мен статистикалық есептерді тапсырады. Осыған байланысты «Агроөнеркәсіптік кешендегі мемлекеттік инспекция комитетінің Семей қалалық аумақтық инспекциясын» тарату қажет», - деп түсіндірме берілген қаулыға.
Құжат 12 мамырға дейін көпшілік талқылауда болады.