RUS
SMARTNEWS.KZ басылымының хабарлауынша, Қазақстанның басым бөлігінде алдағы күндері ауа райы құбылып, жаңбыр мен қар аралас жауын-шашын күтіледі. Бұл туралы «Қазгидромет» синоптиктері жазды.
Мамандардың мәліметінше, көктемнің басталуына байланысты ел аумағындағы синоптикалық жағдай солтүстік-батыстан келетін циклондардың ықпалында қалыптасады. Соның салдарынан республика бойынша тұрақсыз ауа райы сақталады.
Алдағы бірнеше күнде Қазақстанның көптеген өңірінде жаңбыр мен қар түріндегі жауын-шашын болады. 5–6 наурыз күндері оңтүстік және оңтүстік-шығыс аймақтарда жауын-шашын күшейеді. Бұл өңірлерде жаңбыр мен қар қалың түсуі мүмкін.
Синоптиктер желдің күшеюін, тұман мен көктайғақтың пайда болуын да ескертті. Солтүстік облыстарда боран соғуы ықтимал.
Сонымен қатар оңтүстік өңірлерде күндізгі ауа температурасы біртіндеп жоғарылай бастайды.