RUS
SMARTNEWS.KZ басылымының хабарлауынша, Берлин полициясы Германия канцлері Фридрих Мерцке қатысты қорлайтын жазуы бар плакат көтерген 18 жастағы мектеп оқушысына қарсы қылмыстық іс қозғады.
Оқиға ел астанасында өткен наразылық акциясы кезінде болған. «Мектеп оқушыларының әскери шақыруға қарсы ереуілі» деп аталған шараға бірнеше мың жасөспірім қатысқан. Олар әскери қызметке қатысты жаңа ережелерге қарсы шыққан.
Тергеу дерегіне сәйкес, аталған оқушы акцияға канцлердің атына бағытталған қорлайтын сөз жазылған плакатпен келген. Полиция плакатты тәркілеген.
Құқық қорғау органдары істі саяси қызмет атқаратын тұлғаға жала жабу және оның беделіне нұқсан келтіретін мәлімдеме тарату күдігі бойынша қарап жатыр. Егер кінәсі дәлелденсе, жас жігітке жаза тағайындалуы мүмкін.
Неміс басылымдарының жазуынша, соңғы уақытта мұндай сипаттағы тергеулер Германияның басқа қалаларында да тіркеліп жатыр.