Дубай әуежайында дрон шабуылынан кейін рейстер тоқтады
Дрон шабуылы салдарынан әуежай жанында өрт шықты.
SMARTNEWS.KZ басылымының хабарлауынша, Дубай халықаралық әуежайында дрон шабуылынан кейін өрт шықты, әуе қозғалысы уақытша тоқтатылды. Өрт бақылауға алынды. Бұл әуежайға соғыс басталғаннан бергі үшінші дрон шабуылы болып отыр.
Әуе қозғалысын тоқтату туралы ақпаратты БАӘ азаматтық авиация басқармасы әлеуметтік желіде жариялады. Рейстердің қашан қайта қалпына келетіні әзірге белгісіз. Басқарма бұл шешімді «барлық жолаушылар мен қызметкерлердің қауіпсіздігін қамтамасыз ету үшін сақтық шарасы» ретінде түсіндірді.
Дубай полициясының хабарлауынша, әуежайға апаратын жолдар мен туннельдер уақытша жабылды. Emirates әуе компаниясы Дубайға ұшу рейстерін тоқтатты, кейбір ұшулар Аль-Мактум халықаралық әуежайына бағытталды.
Бұл шабуыл соғыс басталғаннан бері Дубай халықаралық әуежайына жасалған үшінші дрон шабуылы. Әуежай – әлемдегі ең қарқынды транспорттық тораптардың бірі. АҚШ пен Израильдің Иранға қарсы әрекеттері аймақта авиациялық хаос туғызды, рейстер үнемі тоқтатылып, бағыттары өзгертілуде.
БАӘ қорғаныс министрлігінің мәліметіне сәйкес, соғыс басталғаннан бері елдің әуе қорғаныс жүйесі 1500-ден астам ирандық дрон мен 300-ге жуық зымыранды атып түсірген. Қақтығыс басталғаннан бері алты адам қаза тапқан, олардың ішінде төрт бейбіт тұрғын бар.
28 ақпаннан бері АҚШ пен Израиль Иранға авиациялық соққылар жасауда. Нәтижесінде Иранның жоғарғы жетекшісі аятолла Али Хаменеи және басқа да ресми тұлғалар қаза тапқан. Иран Израильге және Парсы шығанағына жақын елдерге қатаң жауап қайтарды.
Сонымен қатар, Тегеран Ормуз бұғазын коммерциялық кеме қатынасына жауып, әлемдік мұнай саудасының шамамен бір бөлігін бұғаттады. Бұл жан-жақты жанармай бағасының өсуіне әкелді. 10 наурызда Иран Ормуз бұғазын минирлеу әрекеттерін бастағаны хабарланды, АҚШ 16 ирандық миналық кеме жойды.
Материал авторы
