Елімізде бензин бағасы қайтадан өсті
Ақпан айында АИ-95 литрі 308 теңгеге жетті.
SMARTNEWS.KZ басылымының хабарлауынша, Қазақстанда бензин бағасы қайтадан өсті. Бұл жағдайға мораторийге қарамастан бағаның тұрақсыздығы әсер етті.
Ұлттық статистика бюросының мәліметінше, ақпан айында АИ-95 бензині 1,3% қымбаттап, литрі 308 теңгеге жеткен. АИ-98 бензині 3,7% өсуімен 334 теңге болды.
Ең танымал АИ-92 бензині керісінше 0,4% арзандап, литрі 235 теңгеден сатылуда. Ал жазғы дизельдің бағасы шамамен 330 теңге деңгейінде қалды.
Үкіметтің мораторийі тек АИ-92 және жазғы дизельге қатысты, ал АИ-95 пен АИ-98 бензинінің бағасы реттелмейді. Сондықтан бұл отын түрлерінің нарықтық бағасы өзгермелі болып қала береді. Мораторий бірінші тоқсанның соңына дейін күшінде.
Материал авторы
