RUS
«Былтыр Астана қаласы бойынша арнайы тізбе арқылы 175 мың емделуші 18,7 млрд теңгенің тегін дәрі-дәрмегімен қамтамасыз етілді. 2021 жылы 14,5 млрд теңгенің дәрі-дәрмегі берілген болатын. Жыл сайын амбулаториялық дәрімен қамтуға бөлінетін қаржының көлемі артып келеді. 2023 жылға 19,3 млрд теңгенің өтінімі берілді. Бүгінгі таңда тегін медициналық көмектің кепілдендірілген көлемі аясында 59 ауруды емдейтін әлеуметтік маңыздағы дәрілердің тізбесі бар. Оның ішіне қан айналымы, тыныс алу органдары, эндокрин жүйесі және басқа да органдардың ақауына қажет дәрілер кіреді», - деді ол.
Бөлім басшысы міндетті әлеуметтік медицналық сақтандыру аясында қандай ауруларға қарсы дәрі-дәрмек тегін берілетінін айтты.
«Міндетті әлеуметтік медициналық сақтандыру жүйесінде ересектер ауруының атеросклероз, отит, ринит, керотит, артрит, артроз, псориаз, эндометриоз сияқты 24 түрі бар. Ал балалар арасындағы 48 түрлі ауру міндетті әлеуметтік медициналық сақтандыру жүйесіне енгізілген», - деді Фатима Смағұлова.