Елімізде мектеп оқулықтары тағы жаңарады
Оқу-ағарту министрлігі оқулықтарды толық жаңартпақ.
SMARTNEWS.KZ басылымының хабарлауынша, Қазақстанда 2027 жылдан бастап мектеп оқушылары үшін жаңа оқулықтар енгізілмек. Министрлік отырысында оқу-ағарту министрі Жұлдыз Сүлейменова оқулықтарды жаңарту жоспарларын айтты.
Министрдің мәліметінше, келесі жылы:
1 және 5 сыныптарға арналған жаңа оқулықтар шығарылады;
10–11 сыныптарға арналған оқулықтар толық қайта қаралады.
2026 жылы 3, 4, 7, 8 және 9 сыныптар үшін оқулықтар жаңартылған болатын. Жаңа оқулықтар карталар, тарихи және әкімшілік материалдар бойынша өзекті деректерді қамтиды.
Жаңа оқулықтарды енгізу оқушылардың сапалы дайындалуына, аналитикалық және ғылыми ойлау қабілеттерін дамытуға мүмкіндік береді. Министр атап өткендей, бұл білім беру жүйесін Мемлекет басшысының ғылыми-технологиялық өзгерістер жағдайында бәсекеге қабілетті технологиялық ұлт қалыптастыру стратегиясына сай жетілдіруге бағытталған.
Өндірісте теориялық білім мен кәсіби дағдылардың тиімділігін арттыру үшін дуальды оқыту жүйесі күшейтіледі. Техникалық және кәсіптік білім беруге ерекше көңіл бөлінеді.
5-9 сынып оқушыларына арналған «Адал Азамат» бағдарламасы, «Конституция негіздері», «Заң мен тәртіп» курстары енгізіледі. Сонымен қатар, экологиялық білім беру арқылы патриотизм, азаматтық жауапкершілік және әлеуметтік-қоршаған орта құзыреттері дамытылады.
Министрлік жоспарлау бойынша 2028 жылы 2 және 6 сыныптарға арналған жаңа оқулықтарды шығарады. Бұл оқулықтар да білім беру сапасын арттыруға және оқушылардың лайықты интеллектуалды дамуына бағытталады.
Материал авторы
