«Маска киген адамдар ұсынды»: Атыраулық бекіре балығы үшін 7 жылға сотталды
Ер адам бекіре сатып аламын деп сотталып кетті.
SMARTNEWS.KZ басылымының хабарлауынша, Атырауда бір азамат заңсыз бекіре балығын сатып алғаны үшін 7 жылға сотталды. Сонымен қатар, сот оның мемлекетке 296 миллион теңге өтемақы төлеуін міндеттеді.
Сот материалдарына сәйкес, 2025 жылғы 9 қыркүйекте Атырау тұрғыны өзінің аттарын іздеп, Исатай ауданына жол тартқан. Зинеден ауылы маңында, теңізге қарай бара жатқан жолда ол бір қайық пен бірнеше маска киген ер адамдарды көргенін айтты. Солардың бірі оны шақырып, бекіре балығын сатып алуды ұсынған.
500 килограмм бекіре балығының бағасы бастапқыда миллион теңге шамасында болғанымен, соңында 960 мың теңгеге келіскен. Барлығы шамамен 100-ден астам балық болып шыққан. Ер адам оларды автокөлігінің багажына салған да Атырауға қайтқан.
Қалаға жеткен соң, ер адам көлігін туысының үйіндегі гаражға қойған. Сол күні сол жерге тінтуге барған. Кейін жүргізілген сараптама бұл балықтардың сирек кездесетін, аулауға тыйым салынған түрге жататынын анықтаған. Мемлекетке келтірілген залал 296 миллион теңгеден асты.
Сот ер адамның кінәсін дәлелдеп, 7 жылға бас бостандығынан айыруға үкім шығарды. Ал маска киген адамдардың кім екені сот материалдарында анықталмаған. Қалай тез байланысқа шыққаны да ашылмаған.
Материал авторы
