Астана маңында жол жиегіндегі пакеттен шақалақ табылды
Қосшыда табылған пакетке қатысты іс қозғалды.
SMARTNEWS.KZ басылымының хабарлауынша, Ақмола облысының Қосшы қаласында жаңа туған шақалақтың табылуына байланысты қылмыстық іс қозғалды. Бұл туралы өңірлік полиция департаменті хабарлады.
Алғашында оқиға туралы ақпарат әлеуметтік желілерде тараған. Мәліметтерге сәйкес, күмәнді пакет қаланың жекеменшік секторларының біріндегі жол жиегінен табылған. Алдын ала болжам бойынша, ұрықтың мерзімі шамамен 6-7 ай болған.
Полиция бұл деректі растады және қазір барлық мән-жайды анықтау үшін тергеу амалдары жүргізіліп жатқанын мәлімдеді.
«Оқиғаның барлық жағдайын анықтауға бағытталған кешенді тергеу шаралары қолға алынды», — деп хабарлады ведомство өкілдері.
Іс бақылауға алынған, кінәлілер анықталған жағдайда заң аясында жауапкершілікке тартылады.
Материал авторы
