Сыртқы істер министрлігі БҚО-да құлаған дрон туралы мәлімдеме жасады
Батыс Қазақстанда табылған дрон құлау фактісі бойынша СІМ жұмыс жүргізіп жатыр.
SMARTNEWS.KZ басылымының хабарлауынша, Батыс Қазақстан облысында дрон құлауы бойынша Қазақстанның Сыртқы істер министрлігі түсініктеме берді.
СІМ бірінші орынбасары Ержан Ашықбаев Мажилис кулуарында журналистерге берген жауабында: «Министрлік өз құзыреті аясында жұмыс жүргізуде. Бұл тек Сыртқы істер министрлігінің жұмысы емес, сондай-ақ басқа да құзыретті органдардың әрекеттері. Қазіргі уақытта қосымша ақпарат жоқ» деді.
Журналистер дрон құлауы бойынша ресми дипломатиялық сауалдар жіберілген бе деп сұраған кезде, Ашықбаев:
«Біз өз жұмысымызды атқарамыз. Нәтижелер алынған соң тиісті ақпарат жарияланады. Сауалдар қажетті мекемелер мен тараптарға жолданған» деп жауап берді, бірақ нақты қай тараптарға жіберілгенін айтпады.
Еске сала кетейік, 25 наурызда Батыс Қазақстанда дрон табылды. БПЛА Ақжайық ауданынан тыс жерде анықталған. Жергілікті полиция оқиғаның барлық мән-жайын мұқият анықтайтынын хабарлады.
Материал авторы
