RUS
SMARTNEWS.KZ басылымының хабарлауынша, Шымкентте екі кәмелетке толмаған балаға қатысты зорлық әрекеттері бойынша ер адамға қатысты қылмыстық іс қозғалды.
Зардап шеккен балалар – күдіктінің туыстарының ұлдары.
Балалардың бірінің анасының айтуынша, оқиға 2021 жылы болған. Әйел перзентханада жатқан кезде, тоғыз жастағы ұлын туыстарына уақытша қарауға қалдырған. Осы жағдайды пайдаланған ер адам бірнеше күн бойы балаға қатысты зорлық әрекеттерін жасаған. Кейін белгілі болғандай, сол кезеңде ол басқа туысының баласына да ұқсас әрекеттерді бірнеше күн бойы жасаған.
Отбасылар құқық қорғау органдарына ресми түрде жүгінген. Шымкент қаласының полиция департаменті қылмыстық істің тіркелгенін растады.
Ведомствоның мәліметінше, сотқа дейінгі тергеу аясында барлық қажетті тергеу және процессуалдық шаралар жүргізілуде. Куәлар мен іске қатысы бар тұлғалардан жауап алынған, дәлелдер жиналып, зерттеліп жатыр.
Құқық қорғау органдары істің барлық мән-жайын жан-жақты, толық және объективті анықтау үшін тергеу жалғасып жатқанын мәлімдеді. Тергеу қорытындысы бойынша тиісті процессуалдық шешім қабылданады.