RUS
SMARTNEWS.KZ басылымының хабарлауынша, Германияда өткен Grenke Chess Festival турнирінде әлемнің 16-шы чемпионы Магнус Карлсен мен қазақстандық шахматшы Алуа Нұрман арасында тосын жағдай тіркелді.
Ойын басталар алдында 18 жастағы Алуа Нұрман атақты гроссмейстерден естелікке селфи жасауды сұраған. Карлсен бұл өтінішке келісіп, суретке түскен. Алайда көп ұзамай ол төрешілерге шағымданып, қарсыласының телефонын алып қоюды талап еткен.
Нұрман бұл сәттің видеосы мен фотосын Instagram парақшасына жариялап, «Магнус бәрібір Магнус болып қалады» деп қысқа пікір қалдырған.
Кездесу нәтижесінде Карлсен жеңіске жетті.
Айта кетейік, Алуа Нұрман — 20 жасқа дейінгі шахматшылар арасында FIDE рейтингінің көшбасшысы, блиц бойынша Азия чемпионы және 2024 жылғы әйелдер арасындағы Дүниежүзілік шахмат олимпиадасының күміс жүлдегері.