Тойда күйеу жігіт қалыңдықты тастап, бишімен көңіл көтеріп кетті (ВИДЕО)
Жұрт жігіттің әрекетін сынға алып, қызға ажырасуды ұсынды.
SMARTNEWS.KZ басылымының хабарлауынша, Өзбекстандағы бір тойда жұртшылықты таңғалдырған жағдай болды. Жаңа түскен жұпты қонақтар орталыққа шақырып, бірге би билеуді ұсынған, алайда оқиға күтпеген бағытта өрбіді.
Видео бойынша, бастапқыда бәрі жоспарға сай болып көрінген: қалыңдық пен күйеу жігіт ортаға шығып, дәстүрлі би билей бастайды. Алайда бірнеше сәттен кейін күйеу жігіт назарын қалыңдықтан ажыратып, сахнадағы бишіге ауыстырған. Көрермендер мен қонақтар таңғалып тұрғанда, қалыңдық жалғыз қалды.
Бұл видеоны әлеуметтік желі қолданушылары бөлісіп, қызу пікірталас басталды. Көптеген желі қолданушылары күйеу жігіттің әрекетін мәдениетсіз және сыйластыққа жатпайтын қылық деп бағалады. Бірі «Қызға деген құрмет жоқ па?» деп таң қалса, енді бірі «Ажыраса сал» деп пікір білдірді. Кейбірі әзілмен «Тойдан кейін күйеу мен биші арасындағы жаңа дәстүр басталған сияқты» деп жазды.
Ал кейбір қолданушылар қалыңдыққа көңіл айтып, оған моральдық қолдау көрсетті. Олар «Қалыңдықты ұятқа қалдырмау үшін тыныш жүру керек еді» деп кеңес берді. Видеодағы оқиға желіде қызу талқыланып, мыңдаған пікір жинады.
Материал авторы
