Головкин туралы көрген түс Шайдоровтың Олимпиада алтынын алуға себеп болған

SMARTNEWS.KZ басылымының хабарлауынша, 2026 жылғы қысқы Олимпиада ойындарының чемпионы, мәнерлеп сырғанаушы Михаил Шайдоров өз жеңісіне ерекше әсер еткен оқиға туралы айтты. Оның сөзінше, шешуші сәт алдында оған аңызға айналған боксшы Геннадий Головкин туралы көрген материал мен кейінгі түсі ерекше мотивация берген.

Спортшының айтуынша, дайындықтың ауыр кезеңінде жаттығуға деген ынта әлсіреген сәттер болған. Дәл сол уақытта ол Головкин туралы деректі фильм не сұхбат көріп, қатты әсер алған. Кейін сол әсер түсіне еніп, ол өзін әйгілі чемпионмен бір кеңістікте кездескендей сезінген.

Шайдоров бұл түстің жарыс алдындағы күйіне айрықша ықпал еткенін жасырмады. Оның айтуынша, еркін бағдарламаға шығар сәтте өзін ерекше сенімді сезініп, ішкі қуат пен жігердің артқанын байқаған.

Италияда өткен Олимпиадада Шайдоров сенсациялық нәтиже көрсетіп, Қазақстан тарихында мәнерлеп сырғанаудан тұңғыш алтын медальді жеңіп алды. Бұл – ел қоржынына қысқы Олимпиада ойындары тарихындағы екінші алтын ретінде тіркелді.

Жеңістен кейін Қазақстан Ұлттық олимпиадалық комитетін басқаратын Геннадий Головкин спортшымен бірге мемлекет басшысы Қасым-Жомарт Тоқаевпен кездесуге қатысқан.